عيد ميلادى كان انبارح 6/7/1984

محدش قالى كل سنه وانت طيب لكن ليكو عزركم لان محدش يعرف تاريخ ميلادى عموما اديكو عرفته والسنه الجايا لو محدش قالى كل سنه وانت طيب من غير ما انا افكر حد فيكم هطلع عينيكم وباقيت عندى 25 سنه وخلاص العمر عدة وطبعا اى واحد فى سنى او اى حد عيد ميلادة جه اكيد هيفكر ويقول يا ترى انا عملت ايه فى حياتى مفيد بعد بعد السن دة انا عملت ايه لنفسى

كل سنة وانت طيب يا جميل
وعقابل مليووووووووووووون سنة
ويا رب تكون راضى عن نفسك وعن كل شئ عملته فى حياتك
ويا رب اللى محققتوش تحققه كله السنة الجاية

كل سنة وانت طيب ياسمسم ياجامد انت
بس مقولتليش انت راضى عن نفسك ولا ايه النظام ؟؟؟؟؟؟؟؟؟؟؟؟

كل سنة وانت طيب يا اسامة ويارب تحقق كل اللي نفسك فيه وتجوز بنت الحلال اللي تساعدك على النجاح يارب

يارب يارب

شكرا اوى يا جماعه والله انتو اجدع واحسن ناس لانكم انتو الناس الوحيدين اللى افتكرتو رغم انى انا اللى فكرتكم بس عادى انا هعتبر انكم افتكرتو لوحدكم وشكرا اوى على الهدايا ومش عارف اردهالكم ازاى عموما اى مناسبه لاى حد يقولى عليها وانا هاجيبلو احلى هديه وانا الهدايا بتاعتى ليها قيمتها بمعنى انى مثلا لما كنت خاطب كانت بتيجى مناسبات كان لازم اجيب فيها لخطيبتى حاجه كويسه فطبعا مكنتش بجيب الدباديب ولا الحاجات دى خالص كنت مثلا بجيبلها وردة ودى حاجه رمزيه وجنب الوردة تونك وتحجيبه والحاجات دى دول اللى هيفدوها وهتفرح بيهم اكثر من اى حاجه وانا هيهمنى ايه غير انها تكون مبسوطه لكن الدبدوب هيقعد معاها شويه تفرح بيه وتاخدو فى حضنها وبعدين هيتبهدل وهيروح لحاله اسمعو كلامى هتكسبو دهب وغير الدهب هاجيبلكم رز باللبن

هههههههههههههههههه
ماشى يا سمسم
ادينا مستنيين لما تيجى مناسبة لاى حد فينا علشان ندفعك دم قلبك هههههههههه

ربنا يكرمك يا غالى ويسعدك مع اللى هترتبط بيها

شكرا يا جميل يا مشرفنى ورافع راسى فى كل حاجه بكتبها

اسامة انا عايزة فى عيد ميلادى وعموما هو قرب شويتين
ولا اقولك هفكر وابقى اقولك واللى يرجع فى كلامه بقى
لما نشوف

انتى هتستغليه بقى ولا ايه
لالالالالالالالالالالالا
ده راجل زى وهدافع عنه
بس هخرج منها المرة دى علشان انتوا قرايب هههههههههههههههه

ايون هوا ده الكام الصح

ياجامد انت؟

ماشى يا انت منى بس قوليلى امتى

أقولك امتى ايه بالظبط؟

على عيد ميلادك

هاى اسامة ازيك كل سنة وانت طيب هى متأخرة بس معلش انا لسه شايفة الموضوع وعقبال يارب 100 مليون سنة وانت بصحة وسعادة وربنا يحققلك كل اللى انت بتتمناه ويكملك ع خير كل حاجه فى حياتك

شكرا كتير يا ميمو وانا بصراحه اول مرة اشوفك هنا
بس اكيد هتكونى زى الناس الحلوة اللى هنا
لانك اكيد جايا تبع انت منى
والطيور على اشكالها تقع
يعنى الناس ولاد الناس هيصاحبه بعض والناس ولاد ال؟؟؟؟؟؟؟؟؟
بردة هيصاحبه بعض
وعقبال عيد ميلادك انتى كمان
وعقبال الفرحه الكبيرة
سلامكى