مش عارفه.؟ ( اهداء الى احن قلب )

مش عارفه

مش عارفه ليه بحن ليه وبشتقله؟؟
وانده عليه صوتى خايف يندهه
بشوقى نفسى افرحه
افوق الاقى قلبى واقف مطرحه وكلام فى عينى تايه
مليون بحبه بس القلب خايف
والحلم بنا نار ذودها البعاد
وعيونه بلدى وشوقى ليه فى الغربه زاد
احاسيس كتيره متأخره مش عارفه ليه
رغم انها مالهاش معاد بتيجى فيه
اه يازمن فيك الغرام مخنوق
فيك الحب فى القلوب مكبوت
الحب فى قلبى خايف
بس لسه رغم الضلمه شايف
خايفه اقولك مش هاقولك
احسن تكون بجد عارف
قلبى اسف لو فى يوم خبى عنك اى شىء
دا انا حلمى كان بس انى امشى جنب منك فى الطريق
نظرة عيونك لما بعطش بتبل ريق
حضن وحبيب واخ واب وصديق
لو صدرى حس بيوم بضيق
الاقيك هنا منى قريب
نفسى اعترفلك عايزة اعترفلك
نفسى انطق بالحقيقه
جوايا اه بصرخها ليه بتخرج بطيئه
نفسى اسيب الكون بحاله وابقا جنبك لو دقيقه
بس مابينى وبينك الف بحر خايفه اموت فيهم غريقه
ومش عارفه ليه حاسه انك كنت حاسس
باللى عشت اخبى فيه
فاكر زمان لما كنت اسرح واغمض وانت توصف شايف ايه
مين هايفهم اللى كنت بتفهمه من غير مااقول عليه
فين هالاقى حب صافى ملاك زيك مافيش
ده انت الوحيد اللى لو عدى عمرى مابيتنسيش
اه ياحبيبى وانت واقف لسه بتسأل فى قلبك ايه؟
طب قولى انتا اقولك ايه؟
مش عارفه اجاوبك الكلام فى الحلق وااقف
والدمع من كتر البكى على الخد جافف
بس عذرى انى عارفه انك انت برضه عارف
هو فى شىء بيستخبى...
على اللى لو غمض عنيه بنبض قلبه بيبقا شايف
انا السؤال عارفه وانت الجواب مش عارف
سكوتك ده مخوفنى والصمت اكيد جارح
سيب قلبك يتكلم قولها ماتقولش مش عارف
حبك فى كيانى بيكبر لكن مش عارفه نهايته ايه !!!
مش عاااارفه؟؟؟؟